«Достар» телехикаясы еліміздің беделді, алдыңғы қатарлы оқу ордасының студенттерінің күнделікті өмірі, болашаққа жасаған жоспары мен қарапайым ғана адами қарым-қатынасы туралы болмақ.
Еліміздің таңдаулы оқу орнына түсіп, Елорданың жас тұрғыны атанған студенттердің арман-қиялы әр түрлі. Мектеп қабырғасындағы таным-түсінік пен өмірдің өзінен алынған сабақ, сезім мен бақталастық, адалдық пен астамдық, ауылдан келген ұяңдық пен қаланың тәкаппарлығы туралы қарама-қайшылыққа толы телехикая көрерменді бей-жай қалдырмасы анық.
Алуан түрлі көзқараспен келген адамдардың тағдыры бір алаңда тоғысады. Өмірдің ең қызықты шағы – студенттік өмірдің қызығы мен шыжығын бірге көрген жастардың қарапайым ғана өмірін баяндайтын телехикая идеологиялық принциптер мен құндылықтарды насихаттауға бағытталады.
Жаңа фильмді Ұлттық арнадан 9 сәуірден бастап, дүйсенбі мен бейсенбі аралығында, сағат 21.50-де көре аласыздар.